သဘောတူညီချက်ကာလ

• (၁) ဤသဘောတူညီမှုအတွက် “ဝန်ဆောင်မှု” ဟူသောစကားလုံးသည် သင်အင်တာနက်အသုံးပြုနိုင်ရန်အတွက် (ATOM ၏ အဖွဲ့အစည်း) မှ ပေးအပ်သော ဝန်ဆောင်မှုများကို ဆိုလိုသည်။

• (၂) ဝန်ဆောင်မှုသည် အချို့သော ဧရိယာများတွင်သာအကျုံးဝင် ရရှိနိုင်ပါသည်။

• (၃) သို့သော် ဝန်ဆောင်မှု မရရှိနိုင်သော ဧရိယာများအတွင်း သင်ခံစားရသော နစ်နာမှုများအတွက် ATOM မှ တာဝန်ရှိမည်မဟုတ်ပါ။

• (၄) ဝန်ဆောင်မှုကို ATOM မှ တိုက်ရိုက်ပေးအပ်မည် သို့မဟုတ် ATOM မှ ခန့်အပ်ထားသော လက်အောက်ခံကုမ္ပဏီ (သို့မဟုတ်) ကိုယ်စားလှယ်မှ တဆင့် ပေးအပ်နိုင်ပါသည်။

• (၅) ATOM သည် ဝန်ဆောင်မှုကိုသာ ပေးအပ်မည်ဖြစ်ပြီး၊ ဝန်ဆောင်မှုအသုံးပြုရာတွင် ဖြစ်ပေါ် လာသော အကြောင်းအရာများ (သို့မဟုတ်) ကုန်ကျစရိတ်များအတွက် တာဝန်ရှိမည် မဟုတ်ပါ။

• (၆) ATOM ၏ ကြိုတင်အတည်ပြုပေးထားသော သဘောတူညီချက်မရှိပဲ ဝန်ဆောင်မှု တစ်စိတ်တစ်ပိုင်း (သို့မဟုတ်) အပြည့်အစုံကို ပြန်လည်ရောင်းချခြင်း၊ ပြန်လည်ထုတ်လွှင့်ခြင်း သို့မဟုတ် အခြားတစ်ဦးတစ်ယောက်အား အသုံးပြုနိုင်ရန် ပေးအပ်ခြင်းများ မပြုရပါ။

• (၇) ATOM သည် စက်ပစ္စည်းဝန်ဆောင်မှုများကို လုပ်ဆောင်နိုင်ရန်အတွက် သင့်တော်သော ထိန်းသိမ်း ပြုပြင်မှုများကို ATOM ၏ ဝန်ဆောင်မှုပေးအပ်နိုင် မှုများအပေါ်မူတည်ပြီး ဆောင်ရွက်ပေးမည်ဖြစ်ပါသည်။

သုံးစွဲသူ၏ပစ္စည်း

• (၁) သင်၏ ပစ္စည်းများ (ကွန်ပျူတာ သို့မဟုတ် ဒစ်ဂျစ်တယ်စက်များအပါအဝင်) သည် ဝန်ဆောင်မှုအသုံးပြုနိုင်ရန်အတွက် လိုအပ်သော အနည်းဆုံး စနစ်လိုအပ်ချက်များကို ရရှိရန်အတွက် ဖြည့်ဆည်းရန် သင်၏ တာဝန်ဖြစ်ပါသည်။ သင်၏ ပစ္စည်းများသည် အနည်းဆုံး စနစ်လိုအပ်ချက်များ မဖြည့်မီသဖြင့် ဖြစ်ပေါ်လာသော နစ်နာမှုများ (သို့မဟုတ်) သင်၏ ပစ္စည်းများကို အဆင့်မြှင့်ရန်လိုအပ်မှုကြောင့် ဖြစ်လာသော ကုန်ကျစရိတ်များအတွက် ATOM မှ တာဝန်ယူမည်မဟုတ်ပါ။

ATOM ၏ပစ္စည်း

• (၁) ATOM ၏ ပစ္စည်းများတွင် သင် ဝန်ဆောင်မှုအသုံးပြုနိုင်ရန်အတွက် ATOM မှ သင်၏နေရာတွင် တပ်ဆင်ပေးထားသော ပစ္စည်းများ (Router အပါအဝင်) ပါဝင်ပါသည်။ ထိုပစ္စည်းများကို “ATOM ပစ္စည်းများ” ဟု ခေါ်ဆိုပါသည်။ ATOM ပစ္စည်းများသည် ATOM ၏ ပိုင်ဆိုင်မှုဖြစ်ပြီး၊ သင်သည် ဝန်ဆောင်မှုကို အသုံးပြုရန်အတွက်သာ ထိုပစ္စည်းများကို အသုံးပြုခွင့်ရှိပါသည်။

• (၂) ATOM သည် လိုအပ်သည့်အခါတွင် ATOM ပစ္စည်းများကို ပြောင်းလဲခွင့်ရှိပြီး၊ ဤသတ်မှတ် ချက်များနှင့် စည်းကမ်းချက်များ ပြီးဆုံးသောအခါတွင် ထိုပစ္စည်းများကို ပြန်လည် ဖယ်ရှားခြင်း နှင့် ပြန်လည်သိမ်းဆည်းခြင်းတို့ပြုခွင့်ရှိပါသည်။ သင်မှ ATOM ပစ္စည်းများကို ပျက်စီးစေခြင်း (သို့မဟုတ်) ပျောက်ဆုံးစေခြင်း ဖြစ်ပါက၊ ထိုပစ္စည်းများ၏ မူလတန်ဖိုး စျေးနှုန်းအတွက် ATOM ကို ပြန်လည် ပေးအပ်ရန် တာဝန်ရှိပါသည်။

• (၃) ဝန်ဆောင်မှုပေးအပ်ရန်အတွက် တပ်ဆင်ထားသော ပစ္စည်းအားလုံးသည် ATOM ၏ ပိုင်ဆိုင်မှုဖြစ်ပြီး၊ သင်မှ ရယူထားသော ဝန်ဆောင်မှုများကို ဆက်လက် အသုံးမပြုရန် စဉ်းစားပါက၊ ထိုပစ္စည်းများကို ATOM သို့ ပြန်လည်ပေးအပ်ရန် လိုအပ်ပါသည်။

ဝန်ဆောင်မှုနှင့်သက်ဆိုင်သော ငွေပေးချေမှု

• (၁) သင်သည် ဝန်ဆောင်မှုများအတွက် ကောက်ခံသော အဖိုးအခများကိုပေးအပ်ရန် တာဝန်ရှိပါသည်။ ထိုကောက်ခံသောအဖိုးအခ များတွင် အသုံးပြုခ၊ တပ်ဆင်ခ၊ လစဉ်အခကြေးငွေ/ အဓိကစျေးနှုန်း အစီအစဉ်များနှင့် ပစ္စည်းခများ အပါအဝင်ဖြစ်ပြီး၊ အဆိုပါ စျေးနှုန်းများအား ဝန်ဆောင်မှုခန့်မှန်းဈေး (Service Quote) တွင် ဖော်ပြထားပါမည်။

• (၂) ATOM မှ ဝန်ဆောင်ခကို လစဉ်စာရင်းသွင်းကောက်ခံမည်ဖြစ်ပြီး၊ သင်၏ ပြေစာတွင် ဖော်ပြထားသော သတ်မှတ်ချိန်အတွင်း ပေးအပ်ပြီးစီးရန် လိုအပ်ပါသည်။ ထို့အပြင် ATOM ၏ အမြဲအသုံးပြုနိုင်သော “Top-up Credit System” ဖြင့်လည်း ပေးချေနိုင်ပါသည်။ ထိုစနစ်အတွင်းတွင် ATOM မှ ဖော်ပြထားသည့် နည်းလမ်းများဖြင့် သင်၏အကောင့်သို့ ငွေထည့်သွင်းနိုင်ပါသည်။ ထိုအကောင့်တွင် ငွေကြိုထည့်သွင်းထားပါက ဝန်ဆောင်မှု အသုံးပြုမှုနှုန်းအတိုင်း ငွေပမာဏ လျော့ပါးသွားမည်ဖြစ်သည်။ ဤသဘောတူညီချက်အပေါ် မူတည်၍ ဖြစ်ပေါ်လာသော မြန်မာနိုင်ငံရှိအခွန်အခများအားလုံးကို သင်ပေးဆပ်ရန် တာဝန်ရှိပါသည်။ ATOM သည် ငွေသားဖြင့် ပေးချေသည့် နည်းလမ်းကိုလည်း ရွေးချယ်နိုင်ရန် ထားရှိပေးထားပါသည်။

• (၃) ATOM သည် လိုအပ်သလို ဝန်ဆောင်မှုအခကြေးငွေများကို တစ်ဖက်သက်ဆောင်ရွက်ခွင့်ဖြင့် ပြောင်းလဲခြင်း (သို့မဟုတ်) ပြင်ဆင်ခြင်း ပြုခွင့်ရှိပါသည်။ ATOM မှ ထိုသို့ ပြောင်းလဲ ပြင်ဆင်ခြင်းကို သင့်တော်သောနည်းလမ်းဖြင့် ၁ပတ်ကြိုတင်အကြောင်းကြားမည် ဖြစ်ပြီး သင်သည် အဆိုပါ ပြောင်းလဲမှုအား သဘောမတူပါက ဝန်ဆောင်မှုအား ရပ်တန့်ရန် ATOMအား အ‌ကြောင်းကြားနိုင်သည်။

• (၄) သတ်မှတ်ထားသော နေ့တွင် ဝန်ဆောင်မှုအခကြေးငွေများကို ပေးချေမှုမရှိပါက သင်၏ ဝန်ဆောင်မှုစာရင်း (Subscription) ကို ယာယီရပ်ဆိုင်းမည်ဖြစ်ပြီး၊ ၆၀ ရက်ကျော်ကြာမြင့်ပါက စာရင်းကို အလိုအလျောက် ပယ်ဖျက်မည်ဖြစ်ပါသည်။ ၎င်းသည် သင်၏ Subscription/Order ID ကို စနစ်မှ အလိုအလျောက် ဖျက်သိမ်းသွားမည် ဖြစ်ပါသည်။

• (၅) ဝန်ဆောင်မှုကို ပြန်လည်အသုံးပြုလိုပါက ဝန်ဆောင်မှု အသစ် ပြန်လည်တင်သွင်းရန် လိုအပ်ပါသည်။

• (၆) တပ်ဆင်ပြီးနောက် ဝန်ဆောင်ခပေးအပ်သော အသုံးပြုမှုလျှောက်ထားသည့် အသုံးပြုသူအသစ်များသည် ၎င်းတို့နေရပ်တွင် ပစ္စည်းတပ်ဆင်ပြီး ၇ ရက်အတွင်း ပေးချေရန် လိုအပ်ပါသည်။ ထိုကာလအတွင်း ပေးချေမှုမရှိပါက ဝန်ဆောင်မှုကို ရပ်ဆိုင်းမည် ဖြစ်ပါသည်။

• (၇) ကြိုးပြတ်ခြင်း၊ cable/router များပျက်ခြင်း စသည်ကြောင့် ဖြစ်ပေါ်သည့် ပြဿနာများအတွက် ATOM ၏ နည်းပညာအဖွဲ့ (သို့မဟုတ်) ATOM မှ ခန့်အပ်ထားသော အောက်ခံကုမ္ပဏီများ သို့မဟုတ် ကိုယ်စားလှယ်များအား ပြန်လည်ပြုပြင်ခြင်းအတွက် အကြောင်းကြားရန်တာဝန်ရှိပါသည့် အပြင်လိုအပ်ပါက သုံးစွဲသူအမှား ကြောင့် ဖြစ်ပေါ်လာသည်များကို အခကြေးငွေပြန်လည် ပေးဆောင်ရန်တာဝန်ရှိပါသည်။

ATOM ပစ္စည်းများ တပ်ဆင်ခြင်း

• (၁) သင်၏ ဝန်ဆောင်မှုကို ငွေပေးချေပြီးပါက၊ ATOM မှ တပ်ဆင်ခြင်းအတွက် (၃) ရက်အတွင်း ဆက်သွယ်ပေးမည်ဖြစ်ပါသည်။ တပ်ဆင်ရန် သတ်မှတ်ထားသောနေ့ကို ပြန်လည်ချိန်ညှိရန် (သို့မဟုတ်) ပယ်ဖျက်ရန်လိုပါက အနည်းဆုံး ရုံးဖွင့်ရက် (၃) ရက်ကြိုတင်ပြီး ATOM သို့ အသိပေးရပါမည်။ ATOM ပစ္စည်းများ တပ်ဆင်ရာတွင် ခန့်မှန်းအားဖြင့် ၄ နာရီခန့် ကြာမြင့်မည်ဖြစ်ပါသည်။

• (၂) သင်သည် ATOM နှင့် ၎င်း၏ ဝန်ထမ်းများ၊ အောက်ခံကုမ္ပဏီများနှင့် ကိုယ်စားလှယ်များအား သင်၏ နေရာရှိအဆောက်အဦးသို့ ဝင်ရောက်၍ ATOM ပစ္စည်းများကို တပ်ဆင်ခြင်း၊ ထိန်းသိမ်းပြုပြင်ခြင်း၊ စစ်ဆေးခြင်း၊ ပြုပြင်ခြင်းနှင့် ဖယ်ရှားခြင်းတို့ ပြုလုပ်ခွင့် ပေးအပ်ထားပါသည်။ သင်သည် ထိုနေရာ၏ ပိုင်ရှင် မဟုတ်ပါက၊ ပိုင်ရှင်၏ အမည်နှင့် လိပ်စာကို ATOM သို့ ပေးပို့ရမည်ဖြစ်ပြီး၊ လိုအပ်ပါက ပိုင်ရှင်ထံမှ သ‌‌ဘောတူညီကြောင်း စာရွက်စာတမ်းတစ်စောင်ကိုလည်း ပေးပို့ရပါမည်။

• (၃) ATOM တပ်ဆင်မှုလုပ်ငန်းစတင်မီ အဆောက်အဦးတွင် လိုအပ်သော ပြင်ဆင်မှုများ ပြုလုပ်ခွင့်ကို ပေးအပ်ထားရမည်ဖြစ်ပါသည်။

• (၄) ATOM ပစ္စည်းများ တပ်ဆင်ချိန်တွင် သင်တစ်ဦး (သို့မဟုတ်) သင်မှ ခန့်အပ်ထားသော အသက် ၁၈ နှစ်အထက်ရှိ လူတစ်ဦး တည်နေရာတွင် တက်ရောက်နေရန် လိုအပ်ပါသည်။ ထိုအချိန်တွင် သင် (သို့မဟုတ်) သင်ခန့်အပ်ထားသူ မရှိပါက တပ်ဆင်မှု ဆောင်ရွက်၍ မရနိုင်ပါ။ ထို့အပြင် သင်သည် ATOM၏ စက်ပစ္စည်းများ တပ်ဆင်ခြင်းနှင့် လည်ပတ်ရန် လိုအပ်သည့် သင့်တော် လုံလောက်သည့် နေရာ၊ အခြားနေရာများနှင့် လျှပ်စစ်မီး ပေးအပ်ရမည်ဖြစ်ပါသည်။ တပ်ဆင်မှု ပြန်ချိန်ညှိခြင်းကြောင့် ဖြစ်လာသော ကုန်ကျစရိတ်များအတွက် သင် တာဝန်ရှိပါသည်။ ပြန်လည်ချိန်ညှိမှုကို ၂၁ ရက်အတွင်း ပြုလုပ်ရန် လိုအပ်ပြီး၊ ထိုအတွင်း မပြုလုပ်ပါက ဤစည်းကမ်းသတ်မှတ်ချက်များကို ATOM မှ ပယ်ဖျက်နိုင်ပါသည်။

• (၅) ဝန်ဆောင်မှုအတွက် ပေးအပ်သော ပစ္စည်းများထဲမှ Wi-Fi Router သည် ATOM၏ ပိုင်ဆိုင်မှုဖြစ်ပါသည်။

• (၆) အသုံးပြုသူအမှားကြောင့် (သို့မဟုတ်) ပစ္စည်းပျက်စီးခြင်း၊ ပျောက်ဆုံးခြင်း ဖြစ်ပါက အသုံးပြုသူသည် ATOM သို့ ထိုပစ္စည်း၏ စျေးနှုန်းအတိုင်း ပေးဆပ်ရန် တာဝန်ရှိပါသည်။ အသုံးပြုသူသည် ဝန်ဆောင်မှု ဆက်လက်အသုံးပြုလိုပါက လစဉ်အသုံးပြုခ အခကြေးငွေ (၃) လအနည်းဆုံး ပေးဆပ်ခြင်းဖြင့် (သို့မဟုတ်) ပျက်စီးသောပစ္စည်းတန်ဖိုး ကျပ် ၁၅၀,၀၀၀ ကို ငွေပေးဆပ်ခြင်းဖြင့် ပြန်လည်အသုံးပြုနိုင်ပါသည်။

• (၇) ATOM သည် Wi-Fi Router ကို အသုံးပြုသူရွေးချယ်သည့် နေရာတွင် တစ်ကြိမ်တည်း အခမဲ့တပ်ဆင်ပေးမည်ဖြစ်ပါသည်။ အသုံးပြုသူက Router ကို အခြားနေရာသို့ ပြောင်းရွှေ့လိုပါက ထပ်ဆောင်းကုန်ကျစရိတ်များ ပေးအပ်ရမည် သို့မဟုတ် ပြန်တပ်ဆင်ခြင်းအတွက် လစဉ်အခကြေးငွေ (၃) စာငွေသွင်းအပ်ရပါမည်။ ATOM သည် အသုံးပြုသူ၏ တောင်းဆိုချက် လက်ခံပြီးနောက် အလုပ်လုပ်နေ့ (၇) ရက်အတွင်း Router ပြောင်းရွှေ့ဝန်ဆောင်မှု ပြုလုပ်ပေးမည်ဖြစ်ပါသည်။

ATOM ပေါ်လစီ နှင့် မြန့်မာ့နိုင်ငံ၏ တည်ဆဲဥပဒေများဖြင့် ကိုက်ညီမှုရှိရေး

• (၁) သင်သည် မြန်မာနိုင်ငံ၏ ဥပဒေများကို လိုက်နာရန် တာဝန်ရှိပြီး၊ ဥပဒေနှင့် မကိုက်ညီသော သို့မဟုတ် တရားမဝင်သော ရည်ရွယ်ချက်များအတွက် ဝန်ဆောင်မှုကို အသုံးမပြုရပါ။ မြန်မာနိုင်ငံ၏ တည်ဆဲဥပဒေများကို ချိုးဖောက်ခြင်းအပြင်၊ သင်သည် အောက်ပါ အချက်အလက်များအတွက်လည်း ဝန်ဆောင်မှုကို အသုံးပြုခြင်းမပြုရပါ ။

• (၂) သင့်လျော်မှုမရှိသော၊ ဂုဏ်သိက္ခာညှိုးနွမ်းအောင်လုပ်သော၊ အပြစ်တင်ပြသော၊ သန့်ရှင်းမှုမရှိသော၊ တည်ဆဲဥပ‌ဒေနှင့် မကိုက်ညီသော အ‌ကြောင်းအရာများကို ဖြန့်ချိခြင်း၊ ပြောဆိုခြင်း၊ ဥပဒေချိုးဖောက်မှုများ၊ တရားဝင်မဟုတ်သော၊ ထိခိုက်နစ်နာစေခြင်း သို့မဟုတ် တစ်ဦးချင်းစီ၏ မူပိုင်ခွင့်၊ ကုန်အမှတ် တံဆိပ်ပိုင်ဆိုင်ခွင့်၊ ဉာဏ်ပညာဆိုင်ရာမူပိုင်ခွင့်၊ မျှဝေမှုအခွင့်အရေး သို့မဟုတ် လျှို့ဝှက်ချက်များ၊ ကိုယ်ရေးအချက်အလက်များကို ချိုးဖောက်သော အကြောင်းအရာ များကို ပေးပို့ခြင်း၊ လက်ခံခြင်း၊ တင်ပြခြင်း၊ ပို့ခြင်း၊ ဖြန့်ဝေခြင်း၊ ထုတ်ဝေခြင်း၊ လက်ခံရန်လှုံ့ဆော်ခြင်း၊ အဆိုပါ အချက်အလက်များကို upload/download ပြုခြင်း သို့မဟုတ် အသုံးပြုခြင်းတို့ မပြုလုပ်ရပါ။

• (၃) ရုံးသုံး / ကုမ္ပဏီသုံး Package မဟုတ်သောအခါ စီးပွားရေးအတွက် အသုံးပြုခြင်း မပြုရပါ။

• (၄) ကုမ္ပဏီသုံး Package များအတွက် သက်မှတ်မထားသော စီးပွားရေး အသုံးပြုမှုများ မပြုရပါ။

• (၅) မတောင်းဆိုထားသော အီးမေးလ်များ (unsolicited emails/ spam emails)၊ SMS မက်ဆေ့ခ်ျများ၊ ကြော်ငြာများ သို့မဟုတ် ပရိုမိုးရှင်းများ ပေးပို့ခြင်း သို့မဟုတ် ပေးတင်ခြင်း၊ ကုန်ပစ္စည်း သို့မဟုတ် ဝန်ဆောင်မှု ရောင်းချရန် ပေးစာများ ပေးပို့ခြင်း၊ စစ်တမ်းများ၊ ပြိုင်ပွဲများ တင်ပြခြင်း မပြုရပါ။

• (၆) ဗိုင်းရပ်စ်များ၊ ဖိုင်ပျက်ခြင်းများ သို့မဟုတ် ကွန်ပျူတာစနစ်၊ ပစ္စည်း သို့မဟုတ် ATOM ၏ ကွန်ပျူတာ/ ကွန်ယက်အပေါ် ထိခိုက်စေနိုင်သော ဖိုင်များပါဝင်သည့် မက်ဆေ့ခ်ျများ သို့မဟုတ် အီလက်ထရောနစ်ပစ္စည်းများ upload သို့မဟုတ် ပေးပို့ခြင်း မပြုရပါ။

• (၇) တစ်ဦးတစ်ယောက်၏ ကိုယ်ရေးအချက်အလက်များကို ချိုးဖောက်ခြင်း၊ အနှောင့် အယှက်ဖြစ်စေခြင်း သို့မဟုတ် မလိုအပ်သော စိုးရိမ်မှုများ ဖြစ်စေခြင်း မပြုရပါ။

• (၈) တစ်ဖက်သက်မူပိုင်ခွင့်များ ချိုးဖောက်ခြင်း (ဥပမာ – မူပိုင်မဟုတ်သော software များ download/torrent/installation ပြုခြင်း၊ ဖိုင်များအတွင်းမှ စာရေးသူအမည်များ သို့မဟုတ် ဥပဒေကြေညာချက်များ ဖျက်ခြင်း၊ မူလပိုင်ဆိုင်သူကို မမှန်အောင် ပြောင်းလဲခြင်း စသည်) မပြုရပါ။

• (၉) ATOM ၏ ကွန်ယက် သို့မဟုတ် ဝန်ဆောင်မှုကို ချို့ယွင်းစေခြင်း သို့မဟုတ် ပျက်စီးအောင်လုပ်ခြင်း မပြုရပါ။

• (၁၀) “Denial of Service” အတိုက်အခိုက်များ၊ “Mail bombing”၊ “Spamming” သို့မဟုတ် “Flooding” တိုက်ခိုက်မှုများ မပြုရပါ။

• (၁၁) အလွန်များသော email သို့မဟုတ် မက်ဆေ့ခ်ျများ ပေးပို့ခြင်း၊ များပြားလွန်းသော attachment များပေးပို့ခြင်းကဲ့သို့ ကွန်ယက်အပေါ်တွင် ပမာဏအလွန်များသော ပေးပို့မှုများ မပြုရပါ။

• (၁၂) အသုံးပြုသူအထောက်အထား စစ်ဆေးခြင်း (authentication) သို့မဟုတ် လုံခြုံရေးစနစ်များ ချိုးဖောက်ရန် မကြိုးစားရပါ။

• (၁၃) ဗိုင်းရပ်စ်များ၊ Trojan များ သို့မဟုတ် ဖိုင်ပျက်စီးစေသော ပရိုဂရမ်များ ဖန်တီးခြင်း၊ ပေးပို့ခြင်း၊ သိမ်းဆည်းခြင်း သို့မဟုတ် ထုတ်ဝေခြင်း မပြုရပါ။

• (၁၄) ထို့အပြင် သင်သည် မပြုရမည့် အခြားလုပ်ဆောင်ချက်များမှာ –

  • ATOM ၏ ကွန်ယက်ပေါ်တွင် port scanning software မပြုလုပ်ရပါ။ တရားမဝင်သော နည်းလမ်းဖြင့် မည်သည့် ကွန်ပျူတာစနစ်မဆို ဝင်ရောက်ကြိုးစားခြင်း မပြုရပါ။

  • ATOM အပေါ် မကောင်းသော သက်ရောက်မှုရှိစေနိုင်သော လှုပ်ရှားမှုများ မပြုရပါ။

  • ATOM သည် မြန်မာနိုင်ငံ ဆက်သွယ်ရေးဥပဒေ၊ စည်းမျဉ်းများနှင့် လိုင်စင်လိုအပ်ချက်များကို ပြည့်အောင်လိုက်နာမည်ဖြစ်ပြီး၊ သက်ဆိုင်ရာ ဝန်ကြီးဌာန (Regulator) မှ သတ်မှတ်ထားသော ဝန်ဆောင်မှုအရည်အသွေးစံနှုန်းများအပါအဝင် ဥပဒေများနှင့် စည်းမျဉ်းများအတိုင်း လုပ်ဆောင်မည်ဖြစ်ပါသည်။

ဝန်ဆောင်မှု မြန်နှုန်း

• (၁) သင်ရရှိမည့် ဝန်ဆောင်မှုအရှိန်နှင့် bandwidth သည် သင်ရွေးချယ်သုံးစွဲသော ဝန်ဆောင်မှု အစီအစဉ်အပေါ် အခြေခံမည်ဖြစ်သည်။ သင်ရရှိနိုင်သော အမြင့်ဆုံးအမြန်နှုန်းသည် အမျိုးမျိုးသောအချက်အလက်များအပေါ် မူတည်ပါမည်။ ဥပမာအားဖြင့် – သင့်ကွန်နက်ရှင် သည် ကြိုးဖြင့် (cable) များဖြင့် ချိတ်ဆက်ထားခြင်း သို့မဟုတ် Wi-Fi ဖြင့် ချိတ်ဆက်ထားခြင်း သင့်နေအိမ် သို့မဟုတ် တည်နေရာ၏ နံရံပစ္စည်းအမျိုးအစား၊ သို့မဟုတ် သင်၏ချိတ်ဆက်မှုကို တစ်ချို့သော အချိန်တွင် တစ်စုတစ်စည်းအနေနဲ့ အသုံးပြုနေသူအရေအတွက် စသဖြင့် အချက်အလက်များပါဝင်ပါသည်။

• (၂) ထို့အပြင် သင်အချို့သောအချိန်များတွင် ရရှိမည့် အင်တာနက်အမြန်နှုန်းသည် သင်၏ ပုံမှန်ရရှိသည့် အမြင့်ဆုံးအမြန်နှုန်းထက် နည်းသွားနိုင်ပါသည်။ ၎င်းသည် သင်ဝင်ရောက်ကြည့်ရှုနေသော အချက်အလက်များ၏အရွယ်အစားနှင့် ဖွဲ့စည်းပုံ၊ အင်တာနက်အသုံးပြုမှုအဆင့်၊ စုစုပေါင်း အင်တာနက်ပေါ်ရှိ သွားလာမှု (traffic) အခြေအနေများ၊ သင်ဆက်သွယ်နေသော server ၏ အခြေအနေများနှင့် သင်နှင့် အခြားသူများအသုံးပြုနေသော ကွန်ယက်များအပေါ် မူတည်ပါသည်။

• (၃) ထိုအခြေအနေများအပေါ် အခြေခံ၍ ATOM မှ သင်သည် မည်သည့်အချိန်၌မဆို သီးသန့်အမြန်နှုန်းဖြင့် ဒေတာများကို download သို့မဟုတ် upload ပြုလုပ်နိုင်မည်ဟု အာမခံချက် (express) သို့မဟုတ် အကြံပြုအာမခံချက် (implied warranty) မပြုပါ။ သင်၏ အင်တာနက် ဝန်ဆောင်မှုအမြန်နှုန်း မကျေနပ်ပါက ATOM ၏ သုံးစွဲသူများအား ဝန်ဆောင်မှုဌာနကို ဖုန်းနံပါတ် +959 7800 08080 သို့ ဆက်သွယ်နိုင်ပါသည်။

သုံးစွဲသူမှ တာဝန်ယူရန်

• (၁) ဝန်ဆောင်မှုကို လည်ပတ်အသုံးပြုရန်အတွက် သင်၏ နေရာတွင် လျှပ်စစ်အားဖြင့် ထောက်ပံ့ထားခြင်းနှင့် သက်ဆိုင်သည့်ဓာတ်အားခ ပေးအပ်ခြင်းတို့လုပ်ဆောင်ရန် လိုအပ်ပါသည်။ ထို့ကြောင့် လျှပ်စစ်အားဖြတ်တောက်ခြင်း သို့မဟုတ် ထောက်ပံ့မှု ပြတ်တောက်ခြင်း ဖြစ်ပေါ်လျှင် ဝန်ဆောင်မှု လုံးဝ အသုံးမပြုနိုင်တော့ပါ။ ဤအခြေအနေကြောင့် ဝန်ဆောင်မှုတွင် ထိခိုက်ခြင်း သို့မဟုတ် ပျက်ကွက်ခြင်းတို့ ဖြစ်ပေါ်နိုင်ပါသည်။

• (၂) ATOM သည် သုံးစွဲသူမှ ဝန်ဆောင်မှုသုံးစွဲသည့်နေရာရှိ လျှပ်စစ်ထောက်ပံ့မှု ပြတ်တောက်မှုနှင့် သက်ဆိုင်သော မည်သည့်ပျက်ကွက်မှုအတွက်မဆို တာဝန်မယူပါ။

• (၃) ဝန်ဆောင်မှုနှင့် ပတ်သက်သော စက်ပစ္စည်းများ (ATOMမှ ပိုင်ဆိုင်သော စက်ပစ္စည်းဖြစ်စေ မဖြစ်စေ) ကို ထုတ်ကုန်အသုံးပြုပုံသတ်မှတ်ချက်များအတိုင်း အသုံးပြုခြင်း၊ လည်ပတ်ခြင်းနှင့် ပြုပြင်ထိန်းသိမ်းခြင်းများ ပြုလုပ်ရန် တာဝန်ရှိပါသည်။ ၎င်းသည် မီးလောင်မှုအပါအဝင် အန္တရာယ်များကို တားဆီးရန် ရည်ရွယ်ပါသည်။

အချက်အလက်ဆိုင်ရာ လုံခြုံရေး

• (၁) သင်၏ အသုံးပြုသူအိုင်ဒီ (User ID) နှင့် စကားဝှက် (Password) များကို အချိန်အားလုံးတွင် လုံခြုံစွာ ထိန်းသိမ်းထားရန် သင်တာဝန်ရှိပါသည်။ ATOM သည် လိုအပ်သည်ဟု တွေးတောသတ်မှတ်ပါက သင်၏ အသုံးပြုသူအိုင်ဒီနှင့်/သို့မဟုတ် စကားဝှက်ကို ပြောင်းလဲရန် တောင်းဆိုနိုင်ပါသည်။

• (၂) သင်သည် သင်၏ အသုံးပြုသူအိုင်ဒီ နှင့်/သို့မဟုတ် စကားဝှက်ကို မဖြန့်ဝေသင့်ပါ။

• (၃) သင်သည် တတိယပုဂ္ဂိုလ်/ပြင်ပပုဂ္ဂိုလ်များမှ ATOM ကွန်ယက်သို့ ခွင့်မရှိဘဲ ဝင်ရောက်ခြင်းကို တားဆီးရန် လိုအပ်သော ဉာဏ်ရည်အဆင့်ရှိသော လုံခြုံရေးအဆင့်များကို လုပ်ဆောင် ရန် တာဝန်ရှိပါသည်။ သင်မှလုံခြုံရေးအဆင့် ချိုးဖောက်မှု သို့မဟုတ် ချိုးဖောက်ရန် ကြံစည်မှု တစ်စုံတစ်ခုကို တွေ့ရှိပါက ချက်ချင်း ATOM ထံ ဆက်သွယ်အကြောင်း ကြား သတင်းပေးရမည်ဖြစ်သည်။

• (၄) သင်သည် သင်၏ ကိုယ်ပိုင် ကွန်ပျူတာ(များ) သို့မဟုတ် မိုဘိုင်းကိရိယာ(များ) နှင့် ၎င်းတွင် တပ်ဆင်အသုံးပြုနေသော ဆော့ဖ်ဝဲများ၏ လုံခြုံရေးနှင့် ပြင်ဆင်မှုအတွက် တာဝန်ရှိပါသည်။

• (၅) ATOM မှ သင်၏ ကွန်ပျူတာ(များ) သို့မဟုတ် မိုဘိုင်းကိရိယာ(များ) ကို အင်တာနက် လုံခြုံရေးဆော့ဖ်ဝဲ သို့မဟုတ် ဗိုင်းရပ်စ်ကာကွယ်ရေးဆော့ဖ်ဝဲများဖြင့် ကာကွယ်ထားရန် အထူးအကြံပြုပါသည်။

ဝန်ဆောင်မှုရပ်ဆိုင်းခြင်း

• (၁) အောက်ပါ အခြေအနေများအတွက် ATOM သည် သင်၏ ဝန်ဆောင်မှုကို ယာယီ သို့မဟုတ် အမြဲတမ်း ရပ်ဆိုင်းခြင်း၊ ချိတ်ဆက်မှုဖြုတ်ခြင်း သို့မဟုတ် ပယ်ဖျက်ခြင်း ပြုလုပ်ရန် အခွင့်အရေးရှိပါသည် –

  • သင်သည် မိုဘိုင်းကိရိယာများ သို့မဟုတ် ကွန်ပျူတာ ၏အင်တာနက် ဝန်ဆောင်မှုများကို သတ်မှတ်ချက် နှင့် သက်ဆိုင်ရာ ဥပဒေများအရ ခွင့်မပြုသော နည်းလမ်းဖြင့် အသုံးပြုပါက ATOM မှ သတ်မှတ်ထားသော ဝန်ဆောင်မှုအားရပ်ဆိုင်းခြင်း ပြုလုပ်နိုင်ပါသည်။

  • ATOM မှ သင်အသုံးပြုနေသော User ID သို့မဟုတ် Password ကို ခွင့်မရှိဘဲ၊ တရားမဝင်သော၊ မသမာသော နည်းလမ်းများဖြင့် ရရှိထားပါက ဝန်ဆောင်မှုရပ်ဆိုင်းခြင်း ပြုလုပ်နိုင်ပါသည်။

  • ဤသတ်မှတ်ချက်နှင့်အခြေအနေများကို လိုက်နာခြင်းမပြုခြင်း သို့မဟုတ် ထိခိုက် ညစ်ညမ်း အောင် ချိုးဖောက်ခြင်း ပြုလုပ်ပါက ဝန်ဆောင်မှုရပ်ဆိုင်းခြင်း ဥပဒေဖြင့် အကြုံးဝင်ပါသည်။

  • ATOM မှ သင်၏ ဝန်ဆောင်မှု ငွေပေးချေမှုသည် ခိုးယူထားသော သို့မဟုတ် မမှန်သော ဒက်ဘစ်/ ခရက်ဒစ်ကတ်တစ်စောင်ဖြင့် ဖြစ်သည်ဟု ယုံကြည်ပါက သို့မဟုတ် ငွေပေးချေမှု ပြန်ဖျက်ခံရပါက ဝန်ဆောင်မှုရပ်ဆိုင်းခြင်း ပြုလုပ်နိုင်ပါသည်။

  • သင်၏ Router ပျက်စီးခြင်း၊ ပျောက်ဆုံးခြင်း သို့မဟုတ် ခိုးယူခံရခြင်း စသဖြင့် သိရှိပါက ဝန်ဆောင်မှုရပ်ဆိုင်းခြင်း ပြုလုပ်နိုင်ပါသည်။

  • သင်မှ သို့မဟုတ် သင်ခွင့်ပြုပြီး ပြုလုပ်သော အရာတစ်ခုခုသည် ဝန်ဆောင်မှု၏ လည်ပတ်မှု သို့မဟုတ် လုံခြုံရေးကို ထိခိုက်စေနိုင်သည်ဟု ATOM မှ ယုံကြည်ပါက ဝန်ဆောင်မှု ရပ်ဆိုင်းခြင်း ပြုလုပ်နိုင်ပါသည်။

  • သင်သည် ငွေကြေးပျက်ဆီးခြင်း (Bankrupt) ဖြစ်သွားခြင်း သို့မဟုတ် သင်၏ ပိုင်ဆိုင်မှုများအပေါ် စီမံခန့်ခွဲသူ တစ်ဦးထံသို့ တာဝန်ပေးအပ်ခြင်းတို့ လုပ်ဆောင်ခဲ့ပါက ဝန်ဆောင်မှုရပ်ဆိုင်းခြင်း ပြုလုပ်နိုင်ပါသည်။

  • ATOM မှ သင်အား အမြဲတမ်း အဆင်ပြေစွာ ဝန်ဆောင်မှုပေးနိုင်ခြင်း မဖြစ်တော့ပါက ဝန်ဆောင်မှုရပ်ဆိုင်းခြင်း ဥပဒေဖြင့် အကြုံးဝင်ပါသည်။

  • တည်ဆဲ ဥပဒေ သို့မဟုတ် အာဏာပိုင်များ သို့မဟုတ် အရေးပေါ်ဝန်ဆောင်မှုများ၏ သတ်မှတ်ချက်များအရ ATOM သည် သင်အား ဝန်ဆောင်မှုပေးခွင့်မရှိတော့ပါက ဝန်ဆောင်မှုရပ်ဆိုင်းခြင်း ပြုလုပ်နိုင်ပါသည်။

  • သင်၏ ပျက်ကွက်မှုကြောင့် ဝန်ဆောင်မှုကို ရပ်ဆိုင်းခြင်း သို့မဟုတ် ပယ်ဖျက်ခြင်းတို့ ဖြစ်ပါက၊ သင်၏ အကောင့်ထဲရှိ လက်ကျန်ငွေ (Credit) များကို ဆုံးရှုံးရမည်ဖြစ်ပါသည်။ ဝန်ဆောင်မှု ရပ်ဆိုင်းခြင်း သို့မဟုတ် ပယ်ဖျက်ခြင်းမှာ သင်၏ ပျက်ကွက်မှုကြောင့် မဟုတ်ပါက၊ ATOM သည် ပြန်လည်ချိတ်ဆက်နိုင်သည့် အခါတွင် သင့်ဝန်ဆောင်မှုကို ပြန်လည်ချိတ်ဆက်ပေးရန် ကြိုးပမ်းမည်ဖြစ်ပြီး၊ ရပ်ဆိုင်းခြင်း သို့မဟုတ် ပယ်ဖျက်ခြင်း ဖြစ်သည့်အချိန်၌ သင့်အကောင့်တွင် ရှိနေသော လက်ကျန်ငွေ (Credit) များကိုလည်း ပြန်လည်အသုံးပြုနိုင်အောင် ပြုလုပ်ပေးမည်ဖြစ်ပါသည်။

ဝန်ဆောင်မှု နှင့်သက်ဆိုင်သော အာမခံချက်များ

• (၁) ATOM သည် အောက်ပါအချက်အလက်များအတွက် မည်သည့် တရားဝင်တာဝန် သို့မဟုတ် တာဝန်ခံမှုမျှ မရှိပါ။ —

  • ဝန်ဆောင်မှုနှင့် ပတ်သက်သော ကိရိယာများ (ATOM ကိရိယာအပါအဝင်) ကို အသုံးပြုရာတွင် ဆုံးရှုံးမှုများ အတွက် ATOM တွင်တာဝန်မရှိပါ။

  • စီးပွားရေးအခွင့်အလမ်းများ သို့မဟုတ် အလုပ်အကိုင်အခွင့်အလမ်းများ ဆုံးရှုံးခြင်းအတွက် ATOM သည် တာဝန်မရှိပါ။

  • ဝန်ဆောင်မှုနှင့် သက်ဆိုင်သော ကိရိယာများ (ATOM ကိရိယာဖြစ်စေ မဖြစ်စေ) အသုံးပြုခြင်းကြောင့် ဖြစ်ပေါ်လာသော ထိခိုက်မှုများအတွက် ATOM သည် တာဝန်မရှိပါ။

  • ATOM ၏ တိုက်ရိုက်ဖြစ်စေ တိုက်ရိုက်မဟုတ်သော တစ်စုံတစ်ဦးကြောင့်ဖြစ်စေသော အကြောင်းကြောင့် ထိခိုက်မှုများအတွက် ATOM သည် တာဝန်မရှိပါ။

  • သင်အပေါ် တတိယပုဂ္ဂိုလ်တစ်ဦးမှ တင်ပြသည့် တောင်းဆိုမှုများအတွက် ATOM သည် တာဝန်မရှိပါ။

  • ATOM သည် ဝန်ဆောင်မှုများ ပေးအပ်ရာတွင် ဖြစ်ပေါ်နိုင်သည့် အမြဲတမ်းမဖြစ်နိုင်သော (ယာယီ) ဝန်ဆောင်မှုနှင့် ပတ်သက်သည့် ချို့ယွင်းခြင်းများကို သာမန်ဖြစ်ရပ်အနေဖြင့် မှတ်ယူပြီး တာဝန်မရှိပါ။ ထို့အပြင် သင်သည် ဝန်ဆောင်မှုကို အသုံးပြုရာတွင် ဝင်ရောက်အသုံးပြုနိုင်သော တတိယပါတီကွန်ယက်များအပေါ်တွင် ATOM သည် ထိန်းချုပ်မှုမရှိပါ။ ထို့ကြောင့် ထိုကွန်ယက်များတွင် ဖြစ်ပေါ်နိုင်သော နှောင့်နှေးမှုများ သို့မဟုတ် ချို့ယွင်းမှုများသည် ATOM ၏ ထိန်းချုပ်မှုပြင်ပ ဖြစ်ပါသည်။ ထိုအတွက် ATOM သည် မည်သည့် တာဝန် သို့မဟုတ် တာဝန်ခံမှုမျှ မခံယူပါ။ ထို့အပြင် ATOM သည် ထိန်းချုပ်ခွင့်ပြင်ပ ဖြစ်ပေါ်သော အကြောင်းအရင်းများကြောင့် အဆင်မပြေမှုများအတွက် တာဝန်မရှိပါ။ ထိုအကြောင်းအရင်းများတွင် — သဘာဝဘေးအန္တရာယ်များ (Act of God)၊ မီးလောင်မှု၊ ပေါက်ကွဲမှု၊ ဖျက်ဆီးမှု၊ အကြမ်းဖက်မှု၊ ကေဘယ်များ ဖြတ်တောက်ခံရခြင်း သို့မဟုတ် ပျက်စီးခြင်း၊ ရာသီဥတုဖြစ်ရပ်များ၊ နိုင်ငံအရေးပေါ်အခြေအနေများ၊ ပဋိပက္ခများ၊ စစ်ပွဲများ၊ အလုပ်သမားဆိုင်ရာ ပြဿနာများ၊ ပေးသွင်းသူများ၏ ချို့ယွင်းမှုများ၊ ပစ္စည်းအခက်အခဲများ၊ အလုပ်သပိတ်များ၊ မီးအားပျက်ကွက်မှုများ၊ နိုင်ငံတော်ဥပဒေများ သို့မဟုတ် အရေးပေါ်ဝန်ဆောင်မှုဌာနများ၏ တောင်းဆိုချက်များ၊ သို့မဟုတ် သင်ကြောင့် ဖြစ်ပေါ်သောအကြောင်းအရင်းများ အပါအဝင်ဖြစ်ပါသည်။

လျော်ကြေး‌ငွေ

• (၁) သင်သည် ATOM နှင့် ၎င်း၏ ဥက္ကဌများ၊ အရာရှိများ၊ အလုပ်သမားများ၊ လုပ်သားအကြပ်အတည်းလုပ်ကိုင်သူများ (subcontractors)၊ ကိုယ်စားလှယ်များ၊ မဟာမိတ်များ၊ ရင်းနှီးမြှုပ်နှံသူများအား အပြည့်အဝ အာမခံပေးရန်၊ ကာကွယ်ပေးရန် သဘောတူပါသည်။

ဤအာမခံမှုတွင် ပါဝင်သည့်အရာများမှာ —

• (၁) တစ်စုံတစ်ယောက် သို့မဟုတ် တတိယပါတီမှ ဖြစ်ပေါ်လာနိုင်သော တောင်းဆိုမှုများ (Claims)၊ တောင်းဆိုချက်များ၊ တရားစွဲဆိုမှုများ၊ ပျက်စီးဆုံးရှုံးမှုများ၊ တာဝန်ခံမှုများ၊ ဆုံးဖြတ်ချက်များ၊ စုဆောင်းသက်သေအထောက်အထားများ၊ သုံးစွဲမှုကင်းခြင်းများ၊ ငွေကြေးပေးချေမှုများ နှင့် စရိတ်များ (အထူးသဖြင့် ဥပဒေရေးရာ ဥက္ကဌအဖွဲ့၏ ကုန်ကျစရိတ်များ အပါအဝင် သက်ဆိုင်ရာ စရိတ်အားလုံး) ပါဝင်ပါသည်။

• (၂) ထိုအရာများသည် —

  • သင်သည် ဤ စည်းကမ်းနှင့် သတ်မှတ်ချက်များ (Terms and Conditions) ကို ချိုးဖောက်ခြင်း၊ သို့မဟုတ်

  • သက်ဆိုင်ရာ ဥပဒေများနှင့် မကိုက်ညီသော လုပ်ဆောင်မှုများ ပြုလုပ်ခြင်းတို့ကြောင့် ဖြစ်ပေါ်လာနိုင်သော မည်သည့်အမှုများမဆို ဖြစ်ပါသည်။

• (၃) ထိုအမှုများသည် ATOM ၏ ပျက်ကွက်မှု (negligence) ပါရှိသည်ဖြစ်စေ မရှိသည်ဖြစ်ပါစေ၊ သက်ဆိုင်ရာ တောင်းဆိုမှု၏ အကြောင်းအရာတွင် သက်ဆိုင်မှုပါရှိသည်ဖြစ်စေ မရှိသည်ဖြစ်စေ သင်သည် ATOM ၏ ထိခိုက်မှုကို ပြန်လည်ကောင်းမွန်ပြုအောင် ဆောင်ရွက်ရမည် ဖြစ်ပါသည်။

ကိုယ်ပိုင် အချက်အလက်များ

• (၁) ATOM သို့မဟုတ် ATOM ၏ မဟာမိတ်အဖွဲ့များသည် သင်မှ ပေးထားသော အချက်အလက်များကို အောက်ပါ ရည်ရွယ်ချက်များအတွက် အသုံးပြုခွင့်ရှိပါသည်။ သင်သည် ဝန်ဆောင်မှုကို ဆက်လက်အသုံးပြုခြင်းဖြင့် သင်၏ အချက်အလက်များအသုံးပြုမှုအတွက် သေချာသိရှိ၍ သဘောတူကြောင်း ပြီးဖြစ်ပါသည်။

• (၂) သင်၏ အကောင့်စီမံခန့်ခွဲခြင်း၊ သုံးစွဲသူဆိုင်ရာ ဝန်ဆောင်မှုလုပ်ဆောင်ခြင်းနှင့် ATOM ၀န်ထမ်းများအား လေ့ကျင့်ပေးခြင်းအတွက် အသုံးပြုခြင်း (ဉပမာ – သင်ပေးပို့သော ဖုန်းခေါ်ဆိုမှုများ၊ အီးမေးလ်များ၊ သို့မဟုတ် စာတိုများကို စောင့်ကြည့်ခြင်း)။

• (၃) Network ၏ အရည်အသွေးနှင့် လုံခြုံရေးကို စောင့်ကြည့်ခြင်း၊ IT System များကို စမ်းသပ်ခြင်းနှင့် ထိန်းသိမ်းခြင်း။

• (၄) သင်၏ ဝန်ဆောင်မှုအသုံးပြုပုံကို စိစစ်လေ့လာပြီး စျေးကွက်ရှာဖွေရေးရည်ရွယ်ချက်အတွက် အသုံးပြုခြင်း — ဥပမာအားဖြင့် သင်၏ Browsing Historyကို သုံးသပ်ခြင်းနှင့် ATOM ၏ ဝဘ်ဆိုဒ်အသုံးပြုပုံစမ်းသပ်ခြင်း။

• (၅) ATOM ၏ Global Privacy Notice တွင် ဖော်ပြထားသော ကိုယ်ရေးလျှို့ဝှက်ချက် သဘောတူညီချက်အတိုင်း သတ်မှတ်ထားသည့် အသုံးပြုမှုများကိုပြုလုပ်ခွင့်ပြုရမည်။

သဘောတူညီမှုဆိုင်ရာ အချက်အလက်များပြင်ဆင်ခွင့်

• (၁) ATOM သည် ဤစည်းမျဉ်းစည်းကမ်းနှင့်အခြေအနေများကို မည်သည့်အချိန်တွင်မဆို ပြင်ဆင်ပြောင်းလဲနိုင်ပါသည်။

• (၂) ပြင်ဆင်မှုများရှိပါက ATOM မှ သင့်အား သင့်တင့်သည့်နည်းလမ်းဖြင့် အသိပေးပါမည်။

• (၃) သင်သည် ATOM ၏ ပြင်ဆင်မှုများကို သဘောမတူပါက၊ သင်၏ ဆုံးဖြတ်ချက်ကို ATOM ထံ အကြောင်းကြားပြီး ဝန်ဆောင်မှုအသုံးပြုခြင်းကို ရပ်ဆိုင်းရပါမည်။

• (၄) သို့သော် ATOM မှ ပြင်ဆင်မှု အသိပေးချက်ပေးပြီးနောက်တွင် သင်သည် ဆက်လက် အသုံးပြုနေပါက၊ ၎င်းသည် သင်၏ ပြင်ဆင် ပြောင်းလဲမှုများကို သဘောတူလက်ခံပြီးဖြစ်သည်ဟု သတ်မှတ်ပါမည်။

အထွေထွေသတ်မှတ်ချက်များ

• (၁) ATOM သည် ဤသဘောတူညီချက်ကို မည်သည့်အချိန်တွင်မဆို Third Party တစ်ဦးသို့ ပြောင်းလဲပေးသည့် အခွင့်အရေးရှိပါသည်။ သင်သည်လည်း ဤသဘောတူညီချက်ကို ပြောင်းလဲပေးနိုင်မည်ဖြစ်ပြီး၊ ထိုအတွက် ATOM ၏ ရေးသားဖြင့် အတည်ပြုချက် (Written Approval) ရရှိရမည်ဖြစ်ပါသည်။

တိုင်ကြားမှု / အငြင်းပွားမှု ဖြေရှင်းခြင်း (Complaints / Settlement of Disputes)

• (၁) သင်တွင် မည်သည့်တိုင်ကြားမှု (Complaint) မဆို ရှိပါက၊ ATOM ၏ စီးပွားရေးဖုန်းခေါ်ဆိုမှု (ATOM Business Call Center) သို့ ဆက်သွယ်နိုင်ပါသည် – ဖုန်းနံပါတ်: +959 7800 08080။ ATOM နှင့် သင်အကြား အငြင်းပွားမှုများ ဖြစ်ပေါ်ပါက ဖြေရှင်းရန် ကြိုးပမ်းရပါမည်။ ထိုအငြင်းပွားမှုကို ကောင်းမွန်စွာဖြင့် မဖြေရှင်းနိုင်ပါက၊ တရားရုံးသို့ လျှောက်ခံဖြေရှင်းရမည်ဖြစ်ပါသည်။